مقالات وتقارير

دلع نفسك وطبطب عليها هاتبقى حياتك حلوة وبتضحك لوحديها

بقلم / مني الحسيني

اوعى تنسى انك محتاج للحب والحنان
اوعى تنسى انك محتاج انك محتاج لاهتمام هاتلاقيه لو كنت انت اصلا معطاء ما هى كده الدنيا خد وهات بس اقولك ياريت يبقى عطاءك مش محسوب أدى ايه واخده ازاى اصل الحسابات هنا مش بس معطيات دى نتائج وليها خطوات لو مشيتها صح هاتحل مسألة الحياة
وعشان تبقى سعيد عيش حياتك بالشكل اللى يرضيك وابعد عن النكد واللى يصدره اى حد ليك
كبر دماغك على قد ما تقدر وركز على اللى يهمك ركز بس فى شئون حياتك
اختار من أصدقاءك مايناسب طباعك ولا تكون فريسة لمن يحاول فرض صداقته عليك وحكم عقلك فى الاختيار واختار بعناية وفرق بين الصاحب والساحب الصاحب اللى يقف جنبك وقت الشدة واللى يبقى سندك فى كل المواقف اما الساحب سيبك منه لان لو طوعته هايسحبك للمشاكل لانه ماعندوش غير الشكوى وألهم والنكد خليك اكبر مستورد للطاقة الايجابية ولا مانع ابدا ان تكون مصدر لها وابعد عن الطاقة السلبية لانها منهج الخبثاء اللى عايزين يوتروك ويفقدوك بهجة حياتك
حب اللى يحبك وابعد عن اللى باعك لانه خسيس ولو اتباع مايجبش حتى همه
خليك بسيط في كل تصرفاتك متواضع فى تعاملاتك واتمسك بالناس الطيبة المتسامحة اللى تتحط على الجرح يطيب اللى مابيقفوش على الواحدة اللى وجودهم في حياتك يرد الروح
رزقك اللى كتبه الله لك فلاتنظر لرزق الآخرين لان رزقك أربعة وعشرين قيراط مش ناقصين قيراط
اعلم ان الصحة نعمة والستر رحمة والرضا ايمان والصحبة الطيبة رزق كن صبورا رحيما راضيا كن انسانا وكفى.

الوسوم
اظهر المزيد

مقالات ذات صلة

زر الذهاب إلى الأعلى
إغلاق
إغلاق