الأخبارمقالات وتقارير

جماد في صورة بشر..! بقلم الكاتب أشرف فتحي عبد العزيز

جماد في صورة بشر…!

بقلم الكاتب /أشرف فتحي عبد العزيز

ليه بتتغيروا معانا وقت ما نكون ادناكم الأمان وفضينا قلوبنا من كل الناس عشانكم….!

بعد ما ضحينا بكل حاجه علشان نسعدكم، ليه الأنانية والطمع هما شكراً اللي بنسمعها منكم بعد ما تكونوا اخدتوا منا كل حاجة حلوه فينا…!

ليه بتستنوا وقت ما نضعف علشان تكسرونا من غير رحمة أو قلب، وكأنكم كنتوا مستخبين وراء وش الطيبة علشان نديكم قلوبنا ووقت ما تملكوها توجعونا بيها….!

ليه بتكونوا بالقسوة دي معانا، ليه بتكونوا مخبينها من البداية، ليه بتاخدوا منا حق الإختيار ،بالغش والنفاق والطمع…!

عارفين ليه علشان إحنا بنصدق بسرعة أي حزن، بنضعف قدام نزول الدموع، بنتوجع لما نشوف حد مكسور، بنحزن على الناس من الناس….!

وللأسف مش هنعرف نتعلم ونكون زيكم بالف وش، علشان قلوبنا فيها ضمير استحالة يغش، علشان اتربينا على الخير مهم اتعمل فينا من شر، علشان منعرفش نبطل نساعد حد محتاج لينا حتى لو على حساب نفسنا، علشان مش بنعرف نتعامل مع الناس بخبث، احنا كدة طبعنا عبط زي ما بتقولوا….!

عارفين ليه علشان الفرق بنا وبينكم اننا بشر بنحس وبنشعر وبنتالم، إننا فينا حياة، مش زيكم جماد في صورة بشر.

اظهر المزيد

مقالات ذات صلة

زر الذهاب إلى الأعلى
إغلاق
إغلاق