منوعات ثقافية

تقبَّل ذاتك

بقلم /لورا نبيل 

  • تقبَّل إنكسارك – إنهزامك – تقلباتك المزاجية – عيوب شكلك و جسمك .

  • إتقبِّل عدم نجاحك في طريق معين و أنك ممكن تنجح بطريقة تانية غير اللي راسمها في خيالك .

  • حاول تفهم نفسك في إيه ؟ إيه اللي بيضايقك و بيحسسك دايماً إنك ضعيف ؟ و إيه الحاجات اللي عملتها و نجحت فيها و حسيت لما عملتها أنك قوي ؟ و أنك تقدر تعمل أي حاجة مهما كانت .

مثال : انا إنسان موهوب في ………..

  • أكتب كل حاجة علي ورق : كل شئ نجحت فيه لأن هو دا اللي هيخليك تعدي و تنجح في اللي جاي .

  • حاول أنك تشوف كل حاجة بعين كويسة حتي الحياة لو ما مشيتش زي ما أنت عايز .

مثال : كنت رايح إنترفيو و جاوبت كل الأسئلة و لكن متقبلتش بس كفاية إني كان عندي ثقة في نفسي .

  • متقعدش تجلد نفسك و تلومها دايماً علي النواقص لأن ساعات كتير في حاجات بتحصل خارجة عن إرادتنا .

  • قول لنفسك كل يوم أنك شخص كويس حتي لو كنت شخص مليان عيوب .

  • لازم تشكر نفسك علي كل لحظة صعبة كنت فاكر أنك مش هتعديها و عدتها و نجحت .

  • لازم تشكر نفسك عن كل حاجة صغيرة عملتها و كنت فاكر ان ملهاش لازمة و عملتها و حققت لك نجاحات كبيرة .

لازم تشكر نفسك علي كل امتحان قاسي امتحنته ليك الحياة عشان تكتشف نفسك و تعرف آد إيه كنت إنسان صامد وسط الضيقات و العواصف .

  • خليك دايماً متحاوط بناس بيحبوك و بيتمنًوا يشوفوك أحسن شخص في الدنيا و يكونوا شايفينك من جوا و يتمنوا إنك تنجح أكتر منهم .

  • نشرت الفنانة جوليا روبرتس في مقال ليها قائلة : ” السعي للكمال هو مرض ذلك العصر فنحن نحاول إصلاح الأشياء الظاهرة ، في حين أن الروح هي التي تحتاج إلي عملية جراحية “

  • فكيف يمكنك ان تتوقع أن يحبك شخص أخر و أنت لا تحب نفسك ؟؟

الوسوم
اظهر المزيد

مقالات ذات صلة

زر الذهاب إلى الأعلى
إغلاق
إغلاق
× تواصل معنا عبر واتساب