أدب

اتخيل للشاعر عبد المنعم حمدى رضوان

الشاعر/عبد المنعم حمدى رضوان

اتخيل انك تبقي كا ئن غير الانسان
مثلا سمكة فراشة او حتى ابوقردان
مالك مقموص مني وعامل زعلان

باقول اتخيل يعني عاجبك حال الانسان
ابدا بنفسي واتخيل ان كان ولابد
اتخيل ابقي شمبانزى او قرد
واسكن غابة في افريقيا او الهند
واسعة و كبيرة ملهاش اخر ولالها حد
امسك فى اشجارها واسيب واشد
وان جعت هاكل فاكهه وجوز الهند
من خمرة فاكهتها انا هشرب واقف بعلو الصوت
وهقول انا قرد اناقرد
وامسك في اديا القردة المزة وهطلع فى العالي
واقولها كل كلام الود
ما اناحر وبتنطط وتشعبط وتشقلب ولاحدحابس انفاسى وعليا يعد
الغابة وسيعة ولافيها زحمة ولا نحر ة ولاغل ولاحقد
وان عزت اتجوز قرداية لادافع مهر وشبكة والوف تتعد
ولا هعمل جمعية ولا واخد م البنك قروض بفوايد تتسد
وفي فرحي هعزم كل قرود الجبلاية عمرى مزعل حد
وهوزع فاكهه ع المعازيم وسودانى وافرق جوز الهند
وادلع واعيش ايامى بس ادعيلى اني مع القردة اسد
لتكون زي بنات حوا نكدية وزنانة تقرفنى ونفسي تتسد
ونعست وانا بتخيل وصحيت ومراتى بتقول يارجل اتهد
طول الليل تحلم وتخرف وتقول هتجوز قرداية وانا قرد
هى المحروسة اسمها قردية عارفاك واللة لاوضع لك حد
ياستي تخاريف احلام لجواز ولا بعرف حد
ياحبيبتي هو اللي يشوفك يعرف بعدك حد
اوعي تكون ناوى على غيري
لوهتفكر عدادعمرك هيبطل عد
ودة جزاء اللي بتخيل و ينسي الواقع ويعمل قرد
https://www.almasryaldemokraty.com/?p=104130

الوسوم
اظهر المزيد

مقالات ذات صلة

اترك تعليقاً

زر الذهاب إلى الأعلى
إغلاق
إغلاق
× تواصل معنا عبر واتساب